MANILA, Philippines — Namatay noon din ang dalawang seaman habang nasugatan ang isa pa matapos pagbabarilin ng isang sundalo habang nag-iinuman sa loob ng isang videoke bar sa Zone-6, Brgy. Sta. Rosa Del Sur, Pasacao, Camarines Sur, kamakalawa ng gabi.
Ang dalawang nasawing seaman na namatay noon din dahil sa mga tama ng bala sa katawan ay nakilalang sina Roberto Cania, 58; Godofredo De Austria, 42 kapwa residente ng Macrohon, Southern Leyte.
Habang nasugatan si Socrates Yang Uy, 50, residente ng Calamba, Misamis Occidental.
Batay sa ulat, bago naganap ang krimen ay bumaba ang tatlong biktima sa nakadaong nilang cargo vessel na MV/ Xander na kargado ng semento sa Pasacao Port upang magrelaks at uminom sa Frontview Videoke Bar.
Habang nag-iinuman ang tatlo nang lapitan ng tatlong lalaki na ang isa ay miyembro ng Philippine Army at walang kaabug-abog na pinagbabaril.
Nang bumulagta ang tatlo ay tumakas ang sundalo habang isang kasama ay pinutol ang wire ng CCTV-camera habang ang isa ay umakto bilang look-out
Bukod sa nasabing sundalo na namaril ay sinampahan din ang dalawang kasama nito na ang isa ay kasapi ng Citizen Armed Forces Geogra-
phical Unit (Cafgu) na hindi muna pinangalanan ng kasong murder.