30 pinatay ng kampo ni Teves -- Mrs. Degamo
MANILA, Philippines — Aabot umano sa 30 katao ang pinatay ng kampo ni suspended Cong. Arnie Teves Jr.
Ito ang isinalaysay kahapon ni Pamplona Mayor Janice Degamo, asawa ng napatay na si Negros Oriental Governor Roel Degamo.
Sa panayam, sinabi ni Degamo na ang kampo ni Teves “would do something bad” upang mapigilan lamang ang paglipat ng kanilang political loyalty.
“Siguro yung mga kilala ko almost 30 more or less, eh. More or less. Maglalaro ‘yan sa 20 to 30 people eh,” wika ni Degamo.
“We were told, because we have visited already the DOJ, the DILG, we visited the NBI, there are information there that I have learned that have given us hope that talagang we will have an airtight solid case against Teves,” aniya.
Ayon naman sa abogado ni Teves na si Atty. Ferdinand Topacio, “I refuse to dignify such atrocious allegations. Baka puyat lang si Mayor. Why bring that up only now? Why not file cases in court?”
Nauna nang sinabi ni Topacio na handang harapin ng kanyang kliyente ang mga alegasyon laban sa kanya at muling pinagdiinan na walang direktang ebidensya na sangkot si Teves sa pagpatay kay Governor Degamo.
Matatandaan na noong Marso 4 ay pinagbabaril at napatay ang gobernador kasama ang walong iba pa sa mismong tahanan nito sa Pamplona, Leyte.
- Latest
