Teves walang suweldo, benepisyo sa loob ng 60 araw na pagkasuspinde

MANILA, Philippines — Walang tatanggaping suweldo at anumang benepisyo si 3rd District Negros Oriental Rep. Arnolfo “Arnie “ Teves Jr. sa panahong umiiral ang 60 araw na pagsuspinde rito ng Kamara dahilan sa patuloy na pagliban sa trabaho.

Ayon kay House Secretary General Reginald Velasco, ang mga suspendidong Kon­gresista ay hindi otorisadong makatanggap ng suweldo at benepisyo.

 Si Teves ay pinatawan ng 60 araw na pagkakasus­pinde sa botohan sa ple­naryo ng Kamara noong Miyer­kules ng gabi dahilan sa ‘disorderly behavior’ o masamang inasal nito sa pag­liban sa trabaho sa kabila ng hindi na otorisado ang travel authority nito sa ba­kasyon sa ibang bansa.

Gayunman, kapag natapos ang suspensiyon at wala ng anumang aberya ang Kongresista ay epekti­bong ibabalik na ang suweldo at benepisyo nito.

Inihayag ni Velasco, ha­bang umiiral ang ‘preven­tive suspension’ ng sinu­mang mambabatas ay epek­tibo rin ang implementasyon ng nasabing kautusan.

Ayon kay Velasco, nasa plenaryo na ang desisyon kung maglalagay ng caretaker sa ikatlong distrito ng Negros Oriental habang sus­pendido si Teves.