Go pananagutin ang nasa likod ng ‘Bikoy’ videos
MANILA, Philippines — “Sabi ko nga bilog ang mundo.Antayin na lang po natin, mananagot ang dapat managot. Grabe na po ang pahirap niyo sa akin sa nakaraang eleksyon. Ako’y parang binugbog niyo talaga”.
Ito ang inihayag ni Senator elect Bong Go at tiniyak na pananagutin niya ang mga nasa likod ng paninira sa kanya noong senatorial campaign partikular ang “Totoong Narcolist” video na iniugnay siya sa illegal drug trade.
Nakahanda niya umanong ipatawag sa imbestigasyon ng Senado kaugnay sa “Bikoy” videos si outgoing Sen. Antonio Trillanes IV na tinukoy ni Peter Joemel Advincula na ‘utak’ ng nasabing video na ang layunin ay pabagsakin si Pangulong Duterte at siraan ang malalapit sa pangulo.
Inakusahan si Go sa nasabing Bikoy video na tumatanggap umano ng payoff mula sa drug syndicates gayundin ang batang anak ng Pangulo na si Kitty at pinatunayan na wala siyang tattoo na dragon sa kanyang likuran tulad ng akusasyon sa nasabing video.
- Latest
