AFP General minanyak ang klasmeyt ng anak na babae

MANILA, Philippines - Anim na buwan ang ipinataw na parusa ng liderato ng Armed Forces of the Philippines (AFP) laban kay Brig. Gen. Noel Miano, Chief ng AFP Munition and Control Center sa Camp Aguinaldo matapos na sampahan ng kasong sexual harassment ng dati nitong partime secretary.

Itinago naman sa pangalang Melissa, 18, na kamag-aral ng anak na babae ni Miano na nagpa-partime job bilang secretary ng nasabing opisyal sa kaniyang tanggapan.

Ayon sa biktima hinipuan umano siya sa dibdib at hita  ng heneral saka pinaghahalikan na naganap noon pang 2011 noon pang colonel pa ito kung saan ang kaso ay ipinasa ng Ombudsman sa Sandiganbayan nito  Pebrero 14, 2014 at kahapon lamang nalagyan ng marka para malitis.