Pacers, Thunder agawan sa 3-2 lead

OKLAHOMA CITY — Ang paglapit sa korona ang gagawin ng Indiana Pacers at Thunder sa krusyal na Game 5 ng NBA Finals.

Bigo ang Indiana na makadikit sa inaasam na kauna-unahang titulo matapos agawin ng Oklahoma City ang 111-104 panalo sa Game 4 para itabla sa 2-2 ang kanilang best-of-seven championship series.

“I do not care, to be honest with you,” ani Pa­cers star Tyrese Haliburton sa mababang viewership ng kanilang giyera ng Thunder. “This is high-level basketball and I’m excited to be a part of it.”

Tampok sa pagtakas ng Indiana sa Game 1 ang game-winning jumper ni Haliburton, habang nakatabla ang Oklahoma City sa Game 2 dahil sa pagkontrol sa laro.

Sa Game 3 humugot ang Pacers ng produksyon sa kanilang bench para sa 2-1 lead sa serye bago nakabawi ang Thunder sa Game 4 sa likod ng 15 points ni NBA MVP Shai Gilgeous-Alexander sa huling limang minuto ng fourth quarter.

“I think above all, it’s been very fun,” ani Gilgeous-Alexander sa kanyang unang NBA Finals. “It’s been everything I dreamt it to be gro­wing up. There’s no other place in the world I’d rather be, and I’m grateful to be here. Thankful for the ex­perience, for sure.”

Kumpiyansa si Indiana center Myles Turner na tatalunin nila ang OKC para makuha ang 3-2 bentahe sa serye.

“We play better with our backs against the wall,” wika ni Turner.

“Adversity is something that’s going to bring out the best in you. I think that’s really what it is, is just a response. ... When your back is against the wall, that’s typically where we get our best basketball,” dagdag ni Turner

Gusto ng Pacers na bitbit ang malaking 3-2 lead sa kanilang pag-uwi sa Indianapolis para sa tsansang tapusin ang Thunder sa balwarte nila.

“We are both two games away,” wika ni Haliburton. “Anything can happen here.”