Thunder dumalawa sa Timberwolves
OKLAHOMA CITY — Ipinakita ni Shai Gilgeous-Alexander na siya ang NBA Most Valuable Player ngayong season.
Nagpasabog si Gilgeous-Alexander ng 38 points para banderahan ang Thunder sa 118-103 pagpulutan sa Minnesota Timberwolves sa Game 2 at ilista ang 2-0 lead sa kanilang Western Conference finals series.
“I feel like all my emotions were so high, but I was a little bit tired out there, especially at the start,” ani Gilgeous-Alexander. “I was a little too juiced up. Special moment. I’m happy we won so I can really enjoy the last couple days and soak it up. That really helps.”
Kumonekta si Gilgeous-Alexander ng 13-of-15 free throws sa gabing tinanggap niya ang MVP trophy mula kay Commissioner Adam Silver bago ang laro.
Nagdagdag si Jalen Williams ng 26 points at 10 rebounds at may 22 markers si Chet Holmgren para sa ikalawang sunod na panalo ng Oklahoma City sa kanilang best-of-seven series ng Minnesota.
Bumira si Anthony Edwards ng 32 points para sa Timberwolves habang may 22 at 17 markers sina Jaden McDaniels at Nickeil Alexander-Walker, ayon sa pagkakasunod.
May pagkakataon ang Minnesota na makabawi sa OKC sa kanilang pamamahala sa Game 3 bukas sa Minneapolis.
Ang three-point shot at dalawang free throws ni Gilgeous-Alexander ang nagbigay sa Thunder ng 58-50 kalamangan patungo sa 82-65 paglayo sa dulo ng third quarter.
- Latest
