Taduran at Shigeoka unahan sa KO win

MANILA, Philippines — Kagaya ng gustong ga­win ni Pinoy world champion Pedro Taduran, isang knockout win din ang pakay ni Japanese challen­ger Ginjiro Shigeoka sa ka­nilang rematch.

At kung magtatapos sa 12 rounds ay posible pa ring maagaw ni Shigeoka ang suot na International Bo­xing Federation (IBF) minimumweight crown ni Taduran.

Inaasahan kasing ma­ga­gamit ng dating Japanese titlist ang hometown decision laban kay Taduran.

Nauna nang tinalo ni Ta­duran (17-4-1, 13 knockouts) si Shigeoka (11-1-1, 9 KOs) noong Hulyo ng na­karaang taon sa Japan.

Nakatakdang itaya ng 28-anyos na si Taduran ang kanyang IBF belt kontra sa 25-anyos na si Shigeoka sa kanilang rematch sa Sa­bado sa Osaka, Japan.

“Ang nasa isip namin gusto talaga ng kalaban na­min suntok, alis, suntok, alis. Makatapos lang ng 12 rounds, tapos delikado na kami kapag umabot ng 12 rounds. Kaya knockout talaga ang target namin,” sabi ni chief trainer Carl Pe­ñalosa Jr. kay Taduran.

Isasagawa ang official weigh-in at press confe­rence bukas sa Hotel Monterey Grasmere.

Kumpiyansa ang kampo ng Pinoy world champion na makukuha nila ang weight limit.

“Hindi namin ang prob­lema ang timbang ni­ya,” ani Peñalosa kay Taduran na kasaluku­yang may bigat na 108 pounds. “Kayang-kayang kunin iyong 105 pounds sa weigh-in.”

Ang weight limit ay 105 pounds.

Si Taduran ang kasalukuyang ikalawang Pinoy world champion bukod kay World Boxing Council (WBC) minimumweight king Melvin Jerusalem.