Nuggets sinibak ng Thunder
OKLAHOMA CITY — Nagpaputok si Shai Gilgeous-Alexander ng 35 points habang may 24 markers si Jalen Williams sa 125-93 pagsibak ng Thunder sa Denver Nuggets sa Game 7 papasok sa Western Conference finals.
Tinapos ng top-seeded Oklahoma City ang kanilang semifinals series ng Denver sa 4-3 para labanan ang sixth-seeded Minnesota Timberwolves sa conference finals na magsisimula bukas.
Ito ang unang conference finals ng tropa ni Gilgeous-Alexander sapul noong 2016.
Nagposte ang Oklahoma City ng league-best 68-14 sa regular season para maging pinakabatang koponang nanalo ng 60 games.
Para patunayan ang kanilang pagiging best team sa liga ay kinailangang ungusan ng Thunder si three-time MVP Nikola Jokic at ang Nuggets na kinopo ang NBA title noong 2023 at pinatalsik ang Los Angeles Clippers sa 4-3 sa first round.
“There’s not many games, you wake up in the morning and you know that you’re going to remember the game for the rest of your life, and Game 7 is one of them,” ani OKC coach Mark Daigneault. “To be able to focus through that and perform the way these guys did today was very impressive.”
Nagtala si Jokic ng 20 points, 9 rebounds at 7 assists para sa Denver habang may 11 borads at 8 points si Aaron Gordon na naglaro na may strained left hamstring.
Inilista ng Denver ang isang 11-point lead sa first quarter bago kumamada ang Oklahoma City ng 39 points sa second quarter para itayo ang 60-46 halftime lead tungo sa panalo.
- Latest
