Lyceum lumapit sa semis
MANILA, Philippines — Kinahon ng Lyceum of the Philippines University ang mahirap na 25-14, 22-25, 25-22, 17-25, 15-10 five sets win laban sa Jose Rizal University sa NCAA Season 100 women’s volleyball tournament na nilaro sa FilOil Arena sa San Juan kahapon.
Pinamunuan ni Johna Denise Dolorito ang opensa para sa Intramuros-based squad upang ilista ang 5-6 karta at lumapit sa inaasam na Final Four.
Kumana si Dolorito ng 23 points lahat galing sa kills habang bumakas sina Heart Bio at Ashley Muchillas ng tig-11 markers para sa Lady Pirates na nasa seventh place ng team standings.
Nalasap ng JRU ang pang 10 kabiguan sa 11 salang.
Samantala, sumandal sa opensa ni Juna May Gonzales ang San Sebastian College-Recoletos para itakas ang 25-21,18-25,25-17, 23-23 panalo laban sa Arellano University sa unang laro.
- Latest
