41-taong tagtuyot tinapos ng Junior Altas
MANILA, Philippines — Matapos ang 41 taon ay nakamit na rin ng Junior Altas ang inaasam na kauna-unahang NCAA juniors basketball championship.
Minasaker ng University of Perpetual Help System DALTA ang College of St. Benilde-La Salle-Greenhills, 101-67, sa ‘winner-take-all’ Game Three ng NCAA Season 100 juniors basketball finals kahapon sa FilOil EcoOil Centre sa San Juan City.
Humakot si Jan Roluna ng 15 points, 10 rebounds, 3 assists at 2 steals para banderahan ang Junior Altas katuwang sina Most Valuable Player Lebron Jhames Daep, Jericho Cristino, Icee Callangan, JD Pagulayan at Dan Rosales.
“It’s a great season for us. They showed what we worked hard for during the whole year of preparation,” sabi ni Perpetual team manager at Vice President for Sports Anton Tamayo kasama si UPHSD president Dr. Richard Anthony Tamayo.
“We need to fight for greater things. Not just for us, not just for the but for Jesus’ glory,” sabi ni Cleopas sa Junior Altas. “Nothing special. We just gave our best.”
Kinuha ng Perpetual ang 32-18 abante sa first period tampok ang tatlong three-point shots ni Rosales patungo sa pagtatayo ng isang 24-point lead, 65-41, sa 7:56 minuto ng third quarter.
Ang basket ni Daep ang nagbaon sa CSB-LSGH, una at huling nagkampeon noong 2017, sa 91-59 sa 5:19 minuto ng final canto.
- Latest
