^

PM Sports

PNVF tututok sa FIVB Worlds hosting

Chris Co - Pang-masa

MANILA, Philippines — Ikinakasa na ang lahat para masigurong magiging matagumpay ang pagdaraos ng FIVB Men’s World Championship (MWCH) 2025 sa Setyembre sa dalawang magkahiwalay na venues.

Lalahukan ang torneo ng 32 matitikas na bansa kabilang na ang Philippine men’s national team na makikipagsabayan sa mga world-class teams.

Nakatakdang duma­ting sa Maynila ang 31 pinakamatitikas na volleyball teams sa mundo para magbakbakan mula Setyembre 12 hanggang 28 sa SM Mall of Asia Arena at Smart Araneta Coliseum.

“This is the time when the preparations and organization start to be meticulous every single day, it’s the world championship year of the FIVB and as host country for first time—and solo host at that—the mission borders from an excellent to almost perfect hosting of the event,” ani Ramon “Tats” Suzara na Philippine National Volleyball Federation at Asian Volleyball Confederation president at siya ring executive vice president ng FIVB.

Sanay na si Suzara sa hosting ng malalaking events. Bahagi ito ng organizing committee ng FIBA World Cup na ginanap sa bansa noong 2023.

“We’ve done it before and we’re expected to do it again,” ani Suzara.

Masaya si Suzara dahil sa suportang ibinibigay ng Malacañang sa pangu­nguna nina First Lady Liza Araneta Marcos at William Vincent “Vinny” Araneta Marcos na co-chair ng Local Organizing Committee (LOC) gayundin ni T­ourism Secretary Christina Garcia Frasco.

Pinuri ni FIVB president Fabio Azevedo si President Marcos at ang First Family sa suporta nito sa volleyball at sa Philippine sports sa kabuuan.

Nagsagawa na ng Inter-Agency Technical Working Group Meeting sa pangunguna ng Philippine Sports Commission (PSC) noong Nobyembre sa Rizal Memorial Sports Complex para masiguro ang matagumpay na pagdaraos ng torneo.

Kasama rin sa Local Organizing Committee sina Senator Pia Cayetano, Manuel V. Pangilinan, Philippine Olympic Committee president Abraham “Bambol” Tolentino at PSC chairman Richard Bachmann.

VOLLEYBALL

  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with