Meralco kasama na sa mga PBA champions
MANILA, Philippines — Hanggang ngayon ay hindi pa rin makapaniwala si Meralco head coach Luigi Trillo sa kanilang pagkopo sa kauna-unahang PBA championship.
“Surreal for us. Just proud of these guys who battled through it,” wika ni Trillo sa 4-2 pagdispatsa ng Bolts sa San Miguel Beermen sa kanilang best-of-seven title series para sa Season 48 PBA Philippine Cup noong Linggo sa Smart Araneta Coliseum.
Tinapos ng Meralco ang apat na kamalasan sa PBA Finals laban sa Barangay Ginebra sa Governor’s Cup noong 2016, 2017, 2019 at 2021.
Sinandigan ng Bolts ang game-winning jumper ni Chris Newsome sa huling 1.3 segundo para itakas ang 80-78 panalo sa Game Six.
Nauna nang naitabla ni seven-time PBA MVP June Mar Fajardo ang Beermen mula sa kanyang three-point shot sa natitirang 3.3 segundo.
Nalampasan ng Meralco ang pagbangon ng San Miguel mula sa isang 17-point deficit, 29-46, sa second period.
“It was one of those series when it’s very close every game. It came down to the wire again,” wika ng 48-anyos na si Trillo. “We credit our guys. They found a way. They showed composure in that second half for us.”
Ito ang ikalawang PBA title ni Trillo matapos igiya ang Alaska sa korona ng 2013 Commissioner’s Cup.
Bago pa man magsimula ang PBA Finals ay walang naniwalang tatalunin ng Bolts ang bigating tropa ng Beermen na nagposte ng 10-0 record sa elimination round.
Ang Meralco ang dumiskaril sa tangkang 11-0 sweep ng SMB.
“Meralco Bolts family, do you believe? Thank you so much for believing in us since day one,” sabi ng Fil-Am guard na si Newsome na kumamada ng mga averages na 22.5 points, 5.3 rebounds at 4.5 assists at napiling Finals MVP.
Kagaya ng 33-anyos na si Newsome, ito rin ang unang PBA crown ng 36-anyos na si Cliff Hodge, ng 35-anyos na si Chris Banchero at ng 33-anyos na si Anjo Caram.
“I’ve learned from all my failures, I’ve failed against Ginebra many times in the finals and those failures allowed me to push and elevate my game and to work on those things that I felt I needed to work on and you saw it paid off,” sabi ni Newsome, ang No. 4 overall pick ng Bolts noong 2015 PBA Draft at hinirang na Rookie of the Year noong 2016.
Bago talunin ang Beermen sa PBA Finals ay tinakasan muna ng Bolts ang Gin Kings sa Game Seven ng kanilang semis duel.
- Latest