Dallas muling hihirit sa Boston
BOSTON — Aminadong kontrabida sa mga Celtics fans, hindi ito iniisip ni Dallas Mavericks star Kyrie Irving sa Game Five ng NBA Finals.
Ang mas pinagtutuunan niya ng pansin ay kung paano muling gagabayan ang Dallas sa panalo kontra sa Boston na hawak ang 3-1 lead sa kanilang best-of-seven championship series.
“Let’s just call it what it is,” wika ni Irving sa bisperas ng kanilang upakan ngayon.
“When the fans are cheering ‘Kyrie sucks’ they feel like they have a psychological edge, and that’s fair,’” dagdag ng veteran guard sa patuloy na pambubuska sa kanya ng mga Celtics fans.
Iniwanan niya kasi ang Boston noong 2019 matapos ang dalawang seasons.
Katuwang si four-time NBA MVP LeBron James sa Cleveland Cavaliers, natikman ni Irving ang una niyang NBA championship noong 2016.
“We got a chance to accomplish one of our goals, which is to make it back to Boston,” sabi ng 32-anyos na si Irving. “We have another goal in front of us, and that’s to make it back to Dallas.”
Muling makakatuwang ni Irving sa backcourt ng Mavericks si Luka Doncic sa hangaring muling pigilan ang Celtics na tapusin ang serye at makopo ang korona.
Samantala, determinado ang Boston na wakasan ang kanilang duwelo ng Dallas para sa NBA record na ika-18 korona.
“We are at the precipice of completing what we set out to do at the beginning of the season,” ani Celtics star Jaylen Brown.
- Latest