Petro Gazz babawi sa Creamline sa finals
MANILA, Philippines — Hindi maitago ni Petro Gazz coach Oliver Almadro ang saya dahil sa kanyang unang season kasama ang Gazz Angels ay nadala na agad niya ang koponan sa finals ng Premier Volleyball League (PVL) All-Filipino Conference.
Nagawa ito ng Petro Gazz matapos sibakin ang PLDT Home Fibr sa Game Three ng best-of-three semifinals sa bendisyon ng 25-17, 25-23, 25-15 panalao para makabalik sa finals.
Tinapos ng Gazz Angels ang serye sa 2-1.
“As they’ve said, the Lord will move to put you in the right direction. So, I didn’t know, I’m not expecting to be in the finals right away, I really didn’t... I really didn’t expect this,” ani Almadro.
Bago pumasok sa Gazz Angels ay naging coach muna si Almadro ng Choco Mucho sa loob ng ilang taon.
Ngunit nagpasya siyang iwanan ang Flying Titans noong 2022.
Kaya naman masaya si Almadro sa tiwalang ibinigay sa kanya ng Gazz Angels management.
“Everybody wants to be in this position and many teams will underestimate us. But we will show the performance, it will show for itself how far the Lord will take us,” ani Almadro.
- Latest