MIAMI— Inihayag kahapon ng Heat na hindi maglalaro si veteran guard Kyle Lowry sa Game One ng kanilang Eastern Conference semifinals series ng Philadelphia 76ers.
Kasalukuyan pang nagrerekober si Lowry sa left hamstring injury.
Nalasap ni Lowry ang nasabing injury sa Game Three ng kanilang Eastern Conference quarterfinals duel ng Atlanta Hawks noong Abril 22.
Inaasahan ni Fil-Am coach Erik Spoelstra ng Heat na makakalaro si Lowry sa anumang parte ng semifinals duel nila ng 76ers.
“I know he’s doing more. Gym has been great. Everybody’s been able to do something and to prepare for the series,” wika ni Spoelstra kay Lowry.