Aguinaldo umaasang mapipili ng Incheon United sa K League

MANILA, Philippines — Kumpiyansa si Philippine international defen­der Amani Aguinaldo na makakakuha siya ng kon­trata sa South Korean club Incheon United para makapaglaro sa K League outfit.

Isa si Aguinaldo sa mga Philippine Azkals na nagpakita ng husay sa ka­nilang pagsabak sa nakaraang 30th Southeast Asian Games.

Nabigo ang Azkals na makasipa ng tiket para sa semifinal round ng men’s football competition ng na­sabing biennial event.

Bukod kay Aguinal­do, isa din si team captain Stephan Schrock sa mga overage players ng Azkals.

Kumonekta si Agui­nal­do ng isang hattrick la­ban sa Timor-Leste sa final matchday ng group stages, ngunit nabigong maungusan ang Cambo­dia sa goal difference pa­ra sa runners-up spot sa Group A at makakuha ng knockout berth.

Ipinahiram ang 24-anyos na Pinoy defen­der sa Malaysia Super League side PKNP FC no­ong nakalipas na season mula sa kanyang pa­rent club na Ceres-Negros FC.

Lalahok siya sa open tryout sa Incheon.

“I want to do my best to prove myself that I am good enough in Korea Re­public which has the best league in Asia,” wika ni Aguinaldo sa kanyang pagsabak sa nasabing tryout.