Tatlong expansion teams pasok sa 40th season ng PBA

MANILA, Philippines - Matapos ang isang four-hour meeting sa ka­ni­lang opisina sa Libis, Quezon City, ibinigay ng PBA Board ang ‘green light’ para sa pagpasok ng Blackwater Sports/Ever Bi­lena, NLEX ng Manny V. Pangilinan group at ng Columbia Autocar Corporation sa 40th season.

“Three applied, three were recommended for ap­proval and now, three were approved,” sabi kahapon ni PBA Commissioner Chito Salud.

Sa pagpasok ng Blackwater Sports, NLEX at Co­lumbia, magkakaroon ang liga ng kabuuang 13 ko­ponan para sa susunod na season.

Ang tatlong expansion teams ang pinakamara­ming tinanggap ng professional league matapos ang Pepsi at Sarsi noong 1990.

Ang Blackwater at NLEX ay may mga kopo­nan sa PBA D-League, ha­bang ang Columbia ay ang gu­­­magawa ng sasak­yang Kia.

Samantala, tatangka­in ng Talk ‘N Text na walisin ang eliminasyon kon­tra sa talsik nang Glo­balport nga­yong alas-8 ng gabi matapos ang pagta­tag­po ng Meralco at ng Ba­­rako Bull sa alas-5:45 ng hapon sa 2014 PBA Com­missioner’s Cup sa Mall of Asia Arena sa Pasay Ci­ty.