Nakakatakot na tulay sa Japan, optical illusion lang

Parang roller coaster ride raw ang iyong mararamdaman ‘pag dumaan ka sa Eshima Ohashi bridge na matatagpuan sa Japan.

Sa unang tingin ay napakatarik na tulay ang inyong makikita. Isa na rin itong tourist attraction kung saan nagpapa-picture ang mga turista sa harapan ng nasabing tulay dahil napakataas nga nito at tila gugulong ang sino mang mag-slide rito.

Pangatlo ito sa pinakamalaking rigid frame bridge sa buong mundo.

Kung titignan sa malayo, halos imposibleng makaakyat at makababa ang anumang klase ng sasakyan sa nasabing tulay dahil sa sobrang kataasan.

Pero h’wag mag-alala dahil ligtas magpabalik-balik ang anumang sasakyan sa Eshima Ohashi bridge dahil ‘pag malapit ka na ay hindi naman pala ito masyadong mataas.

Depende lamang ito kung paano mo kukunan ng litrato ang tulay.