Sen. Robin, inambahan si Sen. Joel!

MANILA, Philippines — Nag-viral kahapon ang video kung saan nagkainitan at muntik magpang-abot sina Sen. Robin Padilla at Sen. Joel Villanueva sa senado habang naka-break ang plenary session.

Nagkaroon ng tension sa pagitan ng dalawang senador matapos tumutol ni Sen. Villanueva sa panukala ni Sen. Bato dela Rosa na i-dismiss ang impeachment complaint laban kay Vice President Sara Duterte.

Makikita sa video ang pag-awat ng mga senador sa mister ni Mariel Padilla na ayon dito “Hindi naman ‘yan ang napag-usapan natin.”

Makikitang pinalayo ng ibang senador si Sen. Villanueva habang umaamba si Sen. Robin kay Sen. Villanueva at sinasabing “Ano?”

Pinagpiyestahan ito ng mga netizen at umani ng sari-saring reaksyon kung saan tila naging mala-pelikula ang tagpo sa senado.

Sa huli naman ay nagkaayos sila.

Pero sa totoo lang, maraming nagulantang sa naging attitude ng aktor/senador.

Parang nakalimutan daw nitong nasa senado siya. Baka akala raw niya ay nasa shooting siya ng pelikula.