‘I know my truth’ – Kyline

Nasa sentro na naman ng kontrobersya si Kyline Alcantara dahil sa balitang hiwalay na sila ni Kobe Paras.

Pero nananatiling kalmado lang si Kyline dahil nasanay na raw siya sa kalakaran sa showbiz. ‘Di mo raw kailangang maging defensive sa lahat ng issues na dumarating sa buhay mo.

“It hasn’t always been easy or smooth sailing. I just protect my peace. There are days when you cannot just silence the noise, it’s drowning. But, you cannot just sink, you need to focus again and float above the surface by listening to the voices that matter to you,” sey ng Sparkle star sa isang interview.

Sa pamba-bash sa kanya ng netizens, sinasalubong ito ni Kyline ng tahimik lang. ‘Di niya raw kailangang mag-aksaya ng lakas sa mga ito dahil kilalaa niya ang sarili niya.

“Kahit anong sabihin n’yo sa akin, it’s okay as long as my intentions are clear. I know my truth. And I know that my truth is the truth. You may have your own side of the story, but my truth is the truth. I really don’t have to explain myself. You can say whatever you want about me as long as alam ni God, alam ng Panginoong Diyos kung ano talaga nasa puso ko. Kung ano talaga ‘yung nangyari. I am comfortable with that. I can sleep peacefully at night with that. I can live with that,” sey niya na magbibida sa bagong revenge drama ng GMA, CreaZion at Viu na Beauty Empire.

Inigo, ‘di papapigil sa Hollywood dream

Akala ng marami na magtuluy-tuloy ang Hollywood career ni Inigo Pascual dahil nabigyan siya ng magandang role noon sa 2022 Fox series na Monarch kung saan naging co-star pa niya ang Oscar winner na si Susan Sarandon.

Pero one season lang tumagal ang series at nakansela ito. Pero hindi iyon nakapigil sa anak ni Piolo Pascual na mas i-pursue ang kanyang Hollywood dream.

“I’ve been doing so many auditions, and I love the process of it. This 2025. I’m gonna be doing another film in the States where I’m gonna be the lead for it. So I’m excited,” sey ni Inigo na natutong maging independent sa Amerika.

John Cena, nagpa-hair transplant!

Inamin ng star wrestler-turned-actor na si John Cena na sumailalim siya sa hair transplant noong November 2024.

Ayon sa former WWE star, nagkaroon siya ng falling hair dahil nasa genes daw iyon ng pamilya nila. “Thank you for bullying me into getting surgical hair replacement. You guys ripped me to shreds for a genetic problem that I can’t control… You guys aren’t cool to me! There’s no shame… I got a problem, I try to fix it. That’s what I’m doing!” tawa pa niya.

Mapapanood si Cena kasama si Idris Elba sa summer action-comedy na Heads of State na mag-premiere globally on Prime Video on July 2, 2025.