Former Miss U R’Bonney, gustong magkaroon ng kalabaw

Nasa bansa pala ulit si Miss Universe 2022 R’Bonney Gabriel at muli siyang namamasyal sa mga magagandang lugar sa probinsya.

Sa latest travel vlog ng Fil-American beauty queen, nag-carabao ride ito sa may Mount Pinatubo sa Zambales. Naging guide niya rito ay kabilang sa Aeta community na si Kuya Ramil.

“Think I just reached Philippines premium. I want a carabao,” caption ni R’Bonney.

Since 2024, pabalik-balik si R’Bonney dito sa Pilipinas para sa ilang events at para rin mamasyal sa ilang probinsya na hindi pa niya napupuntahan.

Noong 31st birthday niya noong March 20 ay sa La Union siya nag-celebrate at nag-hike sa Masungi Georeserve.

Hindi rin niya nakakalimutan na bisitahin ang kanyang mga kamag-anak sa Malate, Manila kapag nasa Pilipinas siya.

Allen, ‘di nagpapadala sa udyok ng pulitika

Isa sa mga inaalok na celebrities para tumakbo sa nalalapit na eleksyon ay ang dating sexy actor na si Allen Dizon.

Sa dami raw na nag-uudyok sa kanya, tumanggi ito na pasukin ang pulitika.

Paliwanag ng aktor: “Parang kailangan kong mag-aral kung papasukin ko ‘yung politics. Kailangan ko muna i-set aside ‘yung career ko and ‘yung family ko to enter politics. Parang kung papasukin mo ‘to, kailangan ‘yung buo ‘yung loob mo. Pag-aralan mo kung papasukin mo talaga kasi hindi basta-basta.”

Isa rin daw sa ikinakatakot niya ay kapag ibinoto siya ng tao, baka hindi niya magampanan nang maayos ang kanyang tungkulin bilang isang public servant.

Kaya masaya na raw siya na sa showbiz siya nagtatrabaho.

Madonna at Elton John, nagkapatawaran na

Tapos na ang war sa pagitan ng pop icons na sina Madonna at Elton John.

Nagsimula ang feud nila in 2002 noong laitin ni Elton ang hit single ni Madonna na Die Another Day at tinawag niya itong “worst Bond tune ever.”

Inokray rin ni Elton si Madonna noong manalo ito sa Q Awards at noong mag-perform ito sa 2012 Super Bowl Halftime.

Sa Instagram post ni Madonna: “We Finally Buried the Hatchet!!! I went to see Elton John perform on SNL this weekend!! WOW I remembered when I was in high school- I snuck out of the house one night to see Elton perform live in Detroit! It was an unforgettable performance that helped me understand the transformative power of music. Seeing him perform when I was in high school changed the course of my life. Over the decades it hurt me to know that someone I admired so much shared his dislike of me publicly as an artist. I didn’t understand it. I was told Elton John was the musical guest on SNL and I decided to go. I needed to go backstage and confront him. When I met him, the first thing out of his mouth was, ‘Forgive Me’ and the wall between us fell down. Forgiveness is a powerful tool. Within minutes. We were hugging.”

Dahil sa nangyari, magkakaroon ng collab ang dalawa sa isang song na sinulat mismo ni Elton.