Dolly De Leon, naging busy sa dalawang Hollywood movie

Lumabas na ang teaser photos ng second season ng Nine Perfect Strangers at kasama sa cast ang Pinay Hollywood star na si Dolly de Leon.

Co-star dito ni Dolly sina Nicole Kidman, Henry Golding, Lena Olin, Annie Murphy, Christine Baranski, Lucas Englander, King Princess, Murray Bartlett, Maisie Richardson-Sellers, Mark Strong and Aras Aydin. Kinunan ang series ng anim na buwan sa Munich, Germany.

“It’s great. I’m with our producers on Hulu, so it’s wonderful here. I’m working with a fantastic cast. All of them are great. I love them all. And our director, Jonathan Levine, he’s so supportive, he’s such a great captain of the ship. And our writer Rachel Shukert. It’s wonderful and a totally new and exciting journey for me,” sey ni Dolly na may dalawang Hollywood movies na natapos: Between the Temples and Ghostlight.

Chariz, engaged na sa bagong jowa

Nagiging open na si Chariz Solomon sa nangya­ring hiwalayan nila ng husband niyang si Nestor Ng noong 2018.

Nitong January 2025 ay nakuha na ng Kapuso comedian ang annulment ng kasal nila. Inamin niya na naiyak daw siya nung pinirmahan niya ang annulment papers.

“Sa totoo lang, naiyak ako. Parang after all ng pagsasama namin ng ama ng tatlong anak ko, isang pirma lang, tapos na. Pero nag-part ways naman kami ni Nestor as good friends. Malaya niyang makita at makuha ang mga bata anytime. Hindi ko ipagdadamot iyon sa kanya,” sey ni Chariz na kinasal kay Nestor noong 2012.

Inamin din ni Chariz na engaged na siya sa bagong partner niya. December 2023 raw noong mag-propose ito sa kanya.

“Christmas Day noong mag-propose siya. Happy ako kasi matagal ko na rin siyang friend bago naging kami. At kilala rin siya ni Nestor. Tsaka may partner na rin na bago ang ex-hubby ko kaya happy kaming lahat.

Wala pa raw planong magpakasal agad ulit si Chariz dahil kakatanggap lang niya ng annulment niya na inabot daw ng pandemic ang pag-file kaya inabot ng anim na taon.

“Naintindihan naman ng partner ko. Enjoy-in ko muna itong pagkaka-annul ko. Darating din kami sa usapang kasalan balang-araw!” tawa pa ni Chariz na kasama sa pelikulang Samahan Ng Mga Makasalanan ng GMA Pictures.

Candy, bumigay sa anak na may autism spectrum

Tao lang daw si Candy Pangilinan para mapagod sa tantrums ng kanyang anak na si Quentin na may autism spectrum.

Sa latest vlog ni Candy, umiiyak ito dahil nagkaroon ng meltdown si Quentin at hindi niya mapatahan. “He quite understood the conversation. He doesn’t want to see mom crying,” sey ni Candy noong mapatigil na niya sa pag-iyak ang anak.

Ini-explain ni Candy kay Quentin na dapat kailangan niyang magtrabaho para ma-provide nito ang mga kailangan niya.

Sinabi ni Quentin sa kanyang Mommy Candy ay: “Do you forgive me? Sorry po. Hindi ko na uulitin. Are you mad at me?”

Sey ni Candy: “Wala akong lakas magalit. Parents can get tired but we can never give up. I just showed Quentin how vulnerable I can be. It’s working. He is trying to help.”