Tatay ni Angel, pumanaw sa edad na 98

Nagluluksa si Angel Locsin at ang kanyang pamilya sa pagpanaw ng kanyang amang si Mr. Angel Colmenares nitong nakaraang March 5, Wednesday. He was 98.

Ang malungkot na balita ay kinumpirma ng pamilya ni Angel sa ABS-CBN News base sa tweet ni MJ Felipe.

“The family has confirmed to ABS-CBN News that Angel M. Colmenares, the father of Angel Locsin has passed away last March 5, 2025 at the age of 98,” ang tweet ni MJ sa X.

“The family is requesting for privacy and would like to thank those who have sent their messages of sympathies and condolences,” pahayag pa ng ABS-CBN reporter.

Sa official Facebook page ni Angel ay makikita rin ang lumang photo ng aktres kasama ang kanyang ama at may caption na “We love you, Daddy Angel. Forever in our hearts. [Team Angel PH].”

Nakita rin namin ang post ng isa niyang relative na si Joseph Colmenares. Aniya, “My Deepest Sympathy and Condolences to the Family of Angel Locsin. May You Find Eternal Peace and Happiness. Rest in Peace Lolo Budi. Lolo Budie is The Father of Angel Locsin Colmenares and The Brother of My Lolo Jesus Colmenares (Father of Tatay Tongtong Colmenares).”

Nag-post naman ang talent manager at pinsan ni Angel na si Mario Colmenares ng art card sa kanyang Facebook page at makikita rito ang burial service ng ama ng aktres.

Nakasaad sa art card na ibuburol si Mr. Colmenares sa Heritage Park, Taguig, Chapels 9 & 10 mula March 6 hanggang March 8.

Samantala, wala pang official statement si Angel hinggil sa pagyao ng ama.

Sharon, pinagmalaki ang alahas na bigay ni KC!

Matapos ang kanilang alitan, balik na sa dating sweetness ang mag-inang Sharon Cuneta and KC Concepcion.

Sa kanyang Instagram account ay ibinahagi ni Megastar ang mga jewelry na ipinadala sa kanya ng eldest daughter with matching touching hand-written notes.

“Baby #1, my eldest @kristinaconcepcion just sent me these! And they are beautiful. More beautiful though, are her words. Thank you from the bottom of my heart, Toot! I love you,” caption ni Shawie.

Sagot naman ni KC sa comment section, “Gahhh I’m super kilig.”

Makikita sa larawang ibinahagi ni Shawie na binigyan siya ni KC ng pair of earrings and necklace mula sa Avec Moi Jewelry na pag-aari ng dalaga.

Obviously ay pinasadya talaga ni KC ang necklace dahil ang pendant nito ay letter “S” na handwriting mismo ni Sharon sa kanyang signature. At napapalibutan ito ng diamonds.

Sey ni KC sa note niya sa necklace, “your love is my signature that marks my life in the most precious way. This fine jewelry piece carries your writing.”

Sey pa niya, “made especially for you. Made to last forever. I love you always!”

Paliwanag naman ni KC sa earrings, “these ‘freshly-picked’ roses is 18k yellow gold (large size) with natural diamond rosebuds, are a crowd-favorite from my brand, Mama, but I thought to gift you pa rin to remind you of how deeply cherished you are.”

Ipinost din ni Sharon ang pouch na pasalubong sa kanya ni KC mula sa USA. Caption naman niya, “@kristinaconcepcion ‘s pasalubong from the States! PINK and pearly just for Mama! Thanks again, baby! I love you!”

Tuwang-tuwa naman ang fans na makitang sweet na ulit ang mag-ina na matatandaang nagkaroon ng matagal na alitan at nagkabati lang nitong nagdaang Kapaskuhan.