Julie Anne, na-shock sa pahabol ni Rayver!
Hindi matapus-tapos ang pasasalamat ni Julie Anne San Jose sa boyfriend na si Rayver Cruz na binigyan siya ng isang bonggang surprise gift sa pagdiriwang ng Valentine’s Day.
Ibinahagi ni Rayver sa kanyang Instagram account ang video kung paano niya ibinigay ang Valentine gift sa girlfriend.
Sa video ay mapapanood na ipinakita ni Rayver kay Julie Anne ang isang black box.
Sey ni Julie Anne, “what’s that, love?”
Sagot naman ni Rayver, “buksan mo, bago ‘yan, ang ganda.”
Nang buksan na nga ni Julie Anne ang box ay tumambad sa kanya ang isang bass guitar na sobrang ikina-shock ng aktres/singer. “Oh my God!” ang tuwang-tuwang paulit-ulit niyang sabi na tila hindi makapaniwala.
Tawa naman nang tawa si Rayver, “happy Valentine’s Day,” aniya.
“Hala! Oh my God, thank you, love,” sabi ulit ni Julie Anne.
Inilabas niya ang guitar at niyakap niya ito.
Sey ni Rayver, “first bass (guitar)!”
Sagot naman ng dalaga, “my first ever bass! Dati, pangarap ko lang ‘to, eh.”
Niyakap ni Julie Anne ang boyfriend at hinalikan ito’t paulit-ulit na nagpasalamat.
Caption naman ni Rayver sa video, “But wait there’s more pahabol po hehe happy Valentine’s day my love! Complete na music room mo i love you so much.”
Sagot naman ni Julie Anne, “Thank you mahaaal!!! I love you so muchhh!!!”
Bago ito ay sinorpresa rin ni Rayver si Julie on Valentine’s Day nang bigla siyang dumating sa work ng girlfriend at may dalang flowers.
Ipinost ni Julie Anne sa kanyang IG ang picture nila ni Rayver with the bouquet of flowers.
DenJen, nagsasanay sa pagbaril!
Sumabak na sa target shooting ang mag-asawang Dennis Trillo at Jennylyn Mercado in preparation for their upcoming action series sa GMA.
Parehong pulis ang kanilang magiging karakter sa kanilang reunion series kaya required talaga na matuto silang bumaril.
First time ni Jen na humawak at magpaputok ng baril bilang may takot siya sa blastings at malalakas na putok.
Kasama rin nina Dennis at Jennylyn sa target shooting ang kanilang co-stars na sina Allen Dizon, Joross Gamboa, John Vic de Guzman, Kiel Rodriguez, Seb Pajarillo at James Lucero.
Ipinost din ng Kapuso Ultimate Star sa kanyang Instagram account ang mga larawan niya habang nagta-target shooting.
“New skill unlocked,” caption niya.
Bukod sa preparations for their new series, busy rin ngayon ang mag-asawa sa kanilang reunion movie na Everything About My Wife na showing na sa mga sinehan ngayong Feb. 26.
- Latest
