Naka-40 days na ang pumanaw na nanay ng aktres na si Angelica Panganiban na si Ebela.
Ipinost ni Angelica ang video ng kasal nila ng mister na si Gregg Homan kung saan nagbigay pa ng mensahe ang nanay niya at marami ang naging emosyonal dahil doon.
Hinabilin kasi siya nito kay Gregg at pinasalamatan niya ito sa pagmamahal sa anak at sa apo niyang si Amila.
Sana nga raw hanggang dulo na ang pagmamahal nito sa anak.
Inalala naman ng aktres ang paglisan ng nanay niya at nagbigay siya ng mensahe roon.
Sana raw masaya ang welcome party nito sa heaven at sana raw nakita nito ang celebration niya rito kung saan marami ang bumisita at nagpaalam.
Sana rin daw ay nakita nito ang mga luha at tawanan nila habang pinag-uusapan siya.
Hinanda raw siya nito sa maraming bagay pero hindi sa pagkawala nito.
Ang lungkot. Pero tiyak na tanggap na ‘yan ni Angelica.