Sikat na aktres, may sariling writer para ‘di kabugin sa mga eksena

Ayaw magpatalo ng isang sikat na aktres lalo na kapag may nakakasama rin siyang aktres sa project na ginagawa.

May ginagawa ang aktres kapag may bago siyang series. Upang hindi matalbugan, ang ginagawa ng aktres, may writer siyang kinukuha para baguhin ang dayalog niya na may permiso naman ng director, huh!

Yes, rumaraket ang writer sa aktres at ang aktres ang nagbibigay ng pera sa kanya! Eh nakasama na ni aktres ang writer sa mga movie na nagawa kaya alam na niya ang gusto ng aktres upang lumutang siya sa mga kasama niya sa series!

Pero sa totoo lang, kahit hindi aktres ang kasama niya, hindi rin ito nagpapatalo sa leading man niya! Basta, gusto niya, lagi siyang angat sa lahat!

Dingdong, nagpa-tribute sa misis kahit siya ang may birthday

Nataon pala sa birthday ni Dingdong Dantes kahapon, Aug. 2, ang showing ng Cinemalaya movie ni Marian Rivera na Balota.

Kung sa mensahe sa Facebook ni Yan eh simpleng, “Good morning birthday boy! Love You!” ang mensahe niya sa asawa, si Dong naman, ibinihagi niya ang paghanga sa asawa sa paggawa ng Cinemalaya movie, “for her courageous commitment to taking another leap into the world of artistry. Good luck on the opening day of Balota, my love, at sa buong team Balota.”

Happy, happy birthday, Dong!