CEBU, Philippines — Si Anthony Davis mihimo og impresyon sa iyang Dallas debut sa wala pa nagtakiang nga migawas sa korte sa ikatulong kuwarter atol sa 116-105 nga kadagaon sa Mavericks batok sa Houston Rockets sa NBA kagahapong adlawa didto sa American Airline Center sa Dallas, Texas.
Dismayado pa man tuod ang mga fans sa Mavs human sa pag-trade sa superstar nilang si Luka Doncic ngadto sa Los Angeles Lakers apan gihatagan sila ni Davis og rason nga dawaton ang iyang pag-abot human siya miharos og 26 puntos, 16 ka rebounds, pito ka assists ug tulo ka blocks.
Apan si Davis wala makatiwas og duwa gumikan kay nayayay kini sa nahibilin nga tres minutos sa ikatulong kuwarter.
Walay kontak nga nahitabo apan si Davis kalit lang nga mihunong ug gibutang ang iyang kamot sa iyang singit dayong gawas sa korte.
Namahayag hinoon si Davis human sa duwa nga dili seryoso ang nahitabo kaniya. Maayo ra ang iyang pamati ug gibati lamang niya nga mopahuway niadtong tungora.