Mas dako, mas nindot nga MBPA Season 3 gilusad
CEBU, Philippines — Duha na ka dibisyon nga mao ang Premiere ug Elite ang kumbatihan sa mas dako ug mas nindot nga Mandaue's Pride Basketball Association (MPBA) Season 3 nga gikatakdang mosikad karong Hulyo 28 didto sa Cebu Port Authority (CPA) gym.
Mao kini ang gianunsiyo sa mga nag-organisa sa liga nga gipangulohan nilang MPBA founder Atty. Miguel Lumapas ug commissioners Fritz Eduard Malinao ug Marrion Joseph Ybañez atol sa usa ka press conference kagahapin didto sa HomeSourced roofdeck sa The Space sa may dalan A.S. Fortuna, dakbayan sa Mandaue.
"The Elite division will feature top-ranked teams in Cebu, allowing up to two ex-pro or ex-varsity players within five years of their last playing career," matud pa ni Lumapas.
Ang MPBA Season 2 champion ARQ Builders ni businessman-sportsman Jason Arquisola mobalik aron tiradahan ang Elite title.
"While we aim to improve continuously, our focus is on boosting the players’ confidence and the team morale to prepare them for larger leagues. Our advocacy is to provide a better, fair, and quality league experience for both teams and players," dason pa ni Ybañez.
Gawas sa ARQ, lain pang mosuway og bira sa korona sa Elite mao ang Artera Builders, Steadfast Builders, Gremlinz Sherilin-Team A, Matias' Foodhaus, ug Pure Fit Cebu.
Walo gihapon ka teams ang magtige sa Premiere category nga mao ang Void, HomeSourced, Metrocars, TSO Prayboys, Slow Grind, Welec Trucking Services, Urestore, ug Gremlinz Sherilin-Team B.
Si Malinao nagkanayon nga ang nag-unang duha ka mananaog sa Premiere division ilang isaka sa Elite level sunod season.
- Latest
