CEBU, Philippines - Laing Sugbuanong mixed martial arts fighter nga si Trestel Tan ang mopakita na usab sa iyang katakus sa ONE Fighting Championship, ang labing dakung mixed martial arts tournament sa Asya.
Si Tan, kinsa atua na magbasi sa Malaysia mohimo sa iyang debut sa ONE FC batok sa Taiwanese nga si Jeff Hwang karong Sabado didto sa China.
Si Tan maoy ikalimang Cebuano fighter nga moaway sa ONE FC uban nila ni Vaughn Donayre, Jomanz Omanz, Carry Bullos ug Jimmy Yabo.
Ang sangka ni Tan usa sa supporting bout sa giatngang ONE FC featherweight championship bout tali ni Mongolian Narantungalag Jadamba ug Russian Marat Gafurov. (BANAT PALARO)