CEBU – Gustong makigtagbo si Top rank Bigboss Bob Arum ngadto sa manager ni IBF/IBO champion Nonito “The Filipino Flash” Donaire nga si Cameron Dunkin aron sabutan ang lugar kung diin mag-train ang Pinoy champion.
Sa nasayran, si Donaire nakadesisyon nga didto sa Baguio City ipahigayun ang iyang ensayo uban sa laing kampiyon nga si Gerry Peñalosa agi'g pagpangandam sa umaabot niining sangka batok sa WBO champion Fernando Montiel karong Marso 15 didto sa Araneta Coliseum.
Apan si Arum nagkanayon nga gusto niya nga sa Wild Card Gym dinhi sa Sugbu mag-train si Donaire, gusto usab ni Arum nga ang hall of famer ug trainer ni pound-for-pound king Manny “Pacman” Pacquiao nga si Freddie Roach ang mohatag og giya ni Filipino Flash.
Sa iyang bahin, si Peñalosa mipatin-aw sa iyang papel sa himoung training ni Donaire. Si Gery uban ang iyang mga maguwang nga sila si Dodie Boy ug Jonathan Peñalosa magtambayayong aron ubanan si Donaire sa wala’y puas nga ensayo didto sa Baguio.(Arnie P. Atuel) (BANAT NEWS)