"Excited na ako," aniya sa Wild Card Gym noong Huwebes ng hapon matapos nitong isara ang kanyang isang buwang pagsasanay para sa nakatakdang 12-round fight laban sa Mexican sa Sabado (Linggo sa Manila).
Nagsagawa si Pacquiao ng magaan na workout sa kanilang final day sa Hollywood gym.
Bago umalis ng gym, may bitbit na isang bundle ng personalized t-shirts na kanyang ipinamahagi sa Wild Card regulars na nasa paligid.
Nakakabinging palakpakan ang kanyang tinanggap nang umalis ito sa gym para tapusin ang kanyang training.
"I’m impressed," anang kanyang chief trainer na si American Freddie Roach, na naniniwalang nagtrabaho ng husto ang tubong Gen. Santos City sa loob ng 30 days sa kanyang gym. (Ulat ni Abac Cordero)