Pop Cola, SMB at Shell, papasok na sa quarterfinals

Placing na lamang ang hinihintay para sa quarterfinal round ng PBA All-Filipino Cup at ito ay matutukoy ngayon sa pagtatapos ng eliminations sa Yñares Center sa Antipolo City.

Unang magsasagupa ang Sta. Lucia Realty at Pop Cola Panthers sa ganap na alas-5:15 ng hapon na susundan naman ng engkuwentro ng Barangay Ginebra at Batang Red Bull sa dakong alas-7:30 ng gabi.

Halos wala ng silbi ang laban ng Realtors at Pop Cola dahil ang Sta. Lucia ay sibak na sa kontensiyon at ang Pop Cola ay hindi na matitinag sa kanilang kinalalagyang third place.

Kahit manalo ang Pop Cola na magbunga ng kanilang pakikipagtabla sa 9-5 record sa San Miguel Beer at Shell Velocity, ang Panthers ang may pinakamababang qoutient habang ang Beermen naman ang may pinakamataas.