Grizzlies inangkin ang Southwest Division title
MEMPHIS, Tenn. — Tumapos si Ja Morant na may 17 points at 5 assists sa kanyang pagbabalik sa aksyon matapos ang league-imposed suspension at humataw si Jaren Jackson Jr. ng season-high na 37 points at 10 rebounds para sa 130-125 panalo ng Grizzlies sa Houston Rockets.
Inangkin ng Memphis (45-27) ang Southwest Division title sa ikalawang sunod na pagkakataon at nakahugot kay Desmond Bane ng 20 points.
Isang eight-game suspension ang ipinataw ng NBA kay Morant dahil sa live stream mula sa isang Denver-area strip club kung ipinakita ang pagwagayway ng star guard sa kanyang baril.
Sumailalim si Morant sa counseling sa isang Florida facility para sa stress relief.
Binanderahan ni Fil-Am Jalen Green ang Houston (18-55) mula sa kanyang 32 points at nagdagdag si Kenyon Martin Jr. ng career-high na 31 markers, habang tumipa si Kevin Porter ng triple-double na 14 points, 10 rebounds at 10 assists.
Sa Milwaukee, humakot si Giannis Antetokounmpo ng 31 points at 14 rebounds para sa 130-94 dominasyon ng NBA-leading Bucks (52-20) sa San Antonio Spurs (19-54).
Sa Chicago, humataw si Tyrese Maxey ng 21 points para igiya ang Philadelphia 76ers (49-23) sa 116-91 pagdaig sa Bulls (34-38).
Sa Los Angeles, kumana si Anthony Davis ng 27 points para bumida sa 122-111 pagpapabagsak ng Lakers (36-37) sa Phoenix Suns (38-34).
Sa Minneapolis, isinalpak ni Karl Anthony-Towns ang dalawang free throws sa huling 3.6 segundo para sa 125-124 pagtakas ng Minnesota Timberwolves (37-37) sa Atlanta Hawks (36-37).
- Latest