Deed of Donation
Dear Atty. Divine,
Ang among mga ginikanan tiguwang na. Aduna silay mga property nga gusto nila nga ibalhin na daan ngadto kanamong mga anak ang ownership niini.
Ang gusto nila nga karong buhi pa sila ma-distribute na ang ilang properties kay dili sila gusto nga mao unya kini ang awayan namong mga magsuon kun wala na sila. Unsay angayan nilang buhaton aron masugdan na ang pagprocess sa pag-transfer sa ilang property ngadto sa among pangan? Daghang salamat.
Justin
* * *
Dear Justin,
Mamahimong ma-transfer ang ownership sa kabtangan sa inyong mga ginikanan ngadto kaninyong mga anak pinaagi sa ilang pag execute og Deed of Donation.
Buot ipasabot nga ilang idonar ang property ngadto kaninyong mga anak.
Basi sa Article 725 sa atong Civil Code, nagkinahanglan og acceptance sa donee o sa gihatagan ang Deed of Donation or else mamahimong void ang donation.
Busa ang maayong buhaton sa imong mga ginikanan mao ang pagpahimo og Deed of Donation ngadto sa abogado alang sa mga properties nga gusto nilang ma-transfer ngadto sa inyong pangan. Thank you and God bless.
Atty. Divine
* * *
Alang sa inyong pangutana palihug lang sa pag-email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.
- Latest
