Ipatigbabaw nato ang Pista Senyor
Kaniadto ang mga namuyo sa kalungsuran moingon: “Mangadto ta sa siyudad alang sa Pista Senyor.†Karon, ang mga lumolupyo sa kalungsuran mongahi sa siyduad alang sa Sinulog. Dili na sa Pista Senyor.
* * *
Matag tuig, atol sa kapistahan ni Sr. Sto. Niño, mosuwat gyud ko’g artikulo kabahin sa Pista Senyor ug sa Sinulog.
* * *
Sa gamay kong tingug akong ipasabot sa mga nalimot na nga ang atong giselebrar kon gisaulog matag tuig mao ang Pista Senyor diin ang Sinulog festival usa lamang ka bahin sa selebrasyon.
* * *
Angay’ng hibaw-an sa bag-ong tubo -- kun mga Sugbuanon niining henerasyon -- nga namugna ang Sinulog gumikan sa Pista Senyor. Nga kun wala pa ang Pista Senyor wala mahimugso ang Sinulog festival.
* * *
Kining ako usa lang ka paghatag og bili sa kapistahan ni Sr. Sto. Niño diin tungod sa grabeng publisidad nga gihatag ngadto sa Sinulog mora’g nalimtan nalang ang Pista Senyor.
* * *
Manghinaut kita nga ang Pista Senyor dili nato hikalimtan taliwala sa hinugyaw atol sa Sinulog festival (nga gitawag sa uban mga mardi gras).
* * *
TRIVIA. Pit Senyor ngadto sa atong mga higala kang kansang mga ngan di lang nato usa-usahon paghisgut apan sayud sila kun kinsa sila ... Pit Senyor sab sa atong mga higalang magbabasa. Daghang salamat sa inyong suporta sa Banat News nga wala’y pagkutat.
- Latest