Mga lamas sa kinabuhi pagpamalandong alang sa malangkubong kaayohan

Mga timailhan sa mga tawong dunay problema sa kaugalingon

a.) Walay sukaranang pangabubho.

b.) Ang pagdumili nga mohimo og desisyon sa kahadlok nga masayop.

c.) Ang naghinobrang reaksiyon sa mga nadungog nga mga pagsaway sa kaugalingon gikan sa uban.

d.) Ang kawalay interes nga modawat sa mga positibong komentaryo gikan sa uban. Kini tungod kay nagtuo man sila nga dili sila takus sa maong mga komentaryo.

e.) Ang pagpunay og pasiatab sa mga nakab-ot nga mga dungog apil na niini ang pagpunay og hisgot sa mga iladong mga tawo aron sa ilang kasikat madahig usab.

f.) Ang makanunayong pagpangita og paagi aron pagailhon sa uban gumikan sa mga butang o posisyon nahuptan. Kini ang giingon ni William Sabsom. A Status symbol is an instrument you flash when you want someone to know you are there.”

g.) Ang kahadlok nga makita o makigsagol sa kadaghanan. Ang tinuod nga gikahadlokan mao man ang posibilidad sa pagbugal-bugal.

h.) Ang pagsul-ob og mga magidlay nga bisti aron dili mailhan o makit-an sa kadaghanan.

i.) Dili maantigong modawat og kapildihan bisan sa mga parlor games kang kansang tumong mao ra gyud ang paglingaw-lingaw. Buot nila nga modaug gyud sa kanunay bahala na og unsay mahitabo.

j.) Naghinobra ang ambisyon bahala na og unsay mahitabo. Sa laktod, mamugos gayud ug gamiton ang tanang pamaagi aron makuha ang gusto.

k.) Mahurawon niadtong mga tawo nga ubos niya aron magpabilin siyang naa sa taas. Ang ilang stratehiya mao ang terorismo.