Nanumpa na si Barack Obama isip labing una nga itom nga African-American ug ika-44 nga pangulo sa nasud sa Amerika. Si Obama nanumpa atubangan sa Chief Justice sa korte Suprema sa Amerika nga si John Roberts nga gisaksihan sa minilyon ka mga Amerikano ug katawhan sa kalibutan. Nanumpa usab siya sa bibliya nga maoy gigamit sa pagpanumpa ni Abraham Lincoln isip pangulo sa Amerika kaniadtong Marso 4, 1861. Si Lincoln kababayan ni Barack ug pariha kaniya nga abogado ug magbabalaud sa Illinois. Si Lincoln kongresista samtang si Barack Senador.
Sa kasaysayan si Lincoln ang ika-16 nga pangulo ug labing unang pangulo sa Amerika nga gipatay kaniadtong Abril 15, 1865. Siya ang naghatag og kagawasan sa mga ulipon sa Amerika ug nagmalampuson pagbuntog sa labing grabing krisis sa ilang nasud nga mao ang gubat Civil. Idolo siya ni Barack Obama.
Isip pangulo sa Amerika gisugdan na sa pagsungasong ni Barack ang mga dagkong hagit sa iyang administrasyon nga mao ang krisis sa ekonomiya sa iyang nasud nga maoy labing grabe sukad kaniadtong 1920’s, ang unemployment nga labing grabe sa miaging 16 ka tuig, ang gubat sa Iraq, Afganistan ug ang bangi sa Israel ug Hammas.
Si Barack gisuportahan sa mga Amerikano tungod sa iyang programang kausaban sa Amerika. Mahatagan kaha kini niya og katumanan?
Sa paglingkod ni Barack Obama nga pangulo sa Amerika unsa kahay mapaabot sa mga Pinoy? Wa kahay kausaban sa mga polisiya nga ipatuman si Barack dinhi sa Pilipinas ma ekonomikanhon man o pangseguridad? Abangan!
* * *
Happy Birthday sa among Station Manager sa DySS ug Bise Presidente sa RGMA Network ninang Susan Perez Aliño nga nagsaulog sa iyang adlaw’ng natawhan karong adlawa. Happy Birthday Ninang. May you have more birthdays to come. Gikan nako, Nora ug mga anak.