Usa ka inahan ang nagkanayon sa iyang anak:
Nanay: Anak nagpadala nako og 50, 000 alang sa imong tuition. Gibaligya na nako ang kabaw. Mahal man diay ang automotive course. Gibaligya pod nako ang baboy para sa imong project nga Nokia N95 ba to? Mahal man na nga project diay. Apil na ang 7000 para sa recollection nimo sa Mall of Asia dako tingali na nga monasteryo.Ang basakan amo na lang sab nga gi-prenda sa imong tiyo para sa imong fieldtrip sa BORA. Busa anak, ayaw gyud og pataka og laag ha. Pagdaginot gyud tawon!
Pamalandong
Ang kawalay grado sa ginikanan maoy himoong kahimanan sa mga anak nga mapahimuslanon. Usa kini ka pagdasig alang sa tanan nga magtinarong ug maglinigdong diha sa mga kahigayonan nga gihatag kanila aron dili mausik ang singot ug kahago sa mga tawong naningkamot alang sa ilang paglampos.
* * *
E-mail: paiskaris@yahoo.com