Sa araw na ito’y may bagong diskarte
Ang senior citizens -— Sampaguita Village
Upang makalikom ng pondong malaki!
Sa nasabing araw magsisipaglakad
Matanda at bata ng village na tanyag;
Ah "Walk for a Cause" ang dito ay tawag
Walang pinipili —- kasali ang lahat!
Ang sponsor nito’y ang senior citizens
May bagong gusali at maraming members;
Hindi ito peke sa kanyang layunin
Pagka’t pera nito’y laan sa magaling!
Ang mga kasapi na nagsisiyao
Itong asosasyon ay may laang pondo;
Sa mga maysakit natulong din ito
Lalo’t malubha na saka peligroso!
Dahil sa ang pondo’y mabilis maubos
Officers at members nagkaisang lubos;
Isang "Alay Lakad" sa baya’y ihandog
Upang makalipon ng pondong panggastos!
Maglalakad kami -— matanda at bata
Na taglay sa puso ang dakilang nasa;
Sana’y sumama rin maykaya at wala
Mga asosasyong mapagkawanggawa!
Paglalakad ito na pam-Valentines Day
Dalwang araw na lang ito’y sasapitin;
Puso ng matanda’y walang pagmamaliw —
Kung katuwang nila kabataan natin!
Kaya panawagan sa lahat ng tao:
Ating matatanda ay tulungan ninyo;
Mayaman at dukha pati pulitiko
Di kayo exempted sa gawaing ito!