Serye isasara ng Celtics
BOSTON — Ang pinakaayaw ng Celtics ay ang natatalo sa isang laro.
Kagaya ng kanilang 84-122 kabiguan sa Dallas Mavericks sa Game Four ng NBA Finals na dumiskaril sa tangka nilang 4-0 sweep.
“We don’t like to lose,” sabi ni Celtics guard Jaylen Brown bago ang kanilang team practice kahapon. “I think we are ready for Game 5. I think that’s the best answer that I’ve got. I think that we’re ready. We’re at home. And we’re looking forward to it.”
Muling susubukan ng Boston na isara ang kanllang best-of-seven championship series ng Dallas sa Game Five ngayon sa balwarte nila.
Nauna nang ipinoste ng Celtics ang malaking 3-0 lead sa serye bago nakahirit ang Mavericks sa Game Four sa kanilang homecourt.
Sa NBA history ay wala pang tropang nakakabangon mula sa isang 0-3 deficit at naipanalo ang serye.
Ang pagkatalo sa Game Four ang tumapos sa franchise-record na 10-game postseason winning streak ng Boston.
Hangad ng Celtics na makamit ang NBA record na ika-18 korona at kauna-unahan sapul noong 2008.
“We would love to win — more than anything,” wika ni Boston star Jayson Tatum. “But if it doesn’t happen, it’s not the end of the world. We have more opportunities.”
Kung muling mananalo ang Dallas ay sila ang mamamahala sa Game Six sa Biyernes.
At ayaw itong mangyari ni Brown.
“We are at the precipice of completing what we set out to do at the beginning of the season. So I think it’s not difficult to get everybody in that locker room on the same page right now.”
Sa kabila ng mga injuries ay patuloy pa ring gigiyahan ni Luka Doncic ang Mavs.
“At this point in the season, a lot of things going on,” wika ng Slovenian point guard. “If I’m playing, I’m fine. No worries.”
- Latest