Pader gumuho: 4 sugatan

Apat katao ang nasu­ga­­tan nang madaganan ng gumuhong pader ha­bang ang mga ito ay nag­lalaro ng mahjong sa Valenzuela City kama­kalawa.

Ginagamot sa Ortho­pedic Hospital sanhi ng mga bali ng   mga buto at sugat sa katawan ang mga biktimang sina Car­lito Marcos, 45; asawa nitong si Rosita, 47; Juan Ma­nocan, 73, at Perfecto de Leon.

Batay sa ulat ng awto­ridad, alas-3:45 ng ha­pon, naglalaro ng mahjong ang mga biktima sa De Galicia St., nang bumagsak ang pa­ der ng warehouse ni Froilan Alarcon.

Nadaganan ang mga biktima na naging dahilan upang dalhin sa na­sabing ospital ang mga ito.

Sa ngayon ay patuloy pang iniimbestigahan ang na­sabing insidente. (Lor­deth Bonilla)