Basag ang bungo at bali-bali ang buto ni Jose Quio Galvez, nasa hustong gulang at miyembro ng Traffic Motorcycle Unit-South Luzon Expressway Traffic Management Group. Nalagutan siya ng hininga habang isinusugod sa Asian Hospital ng mga nakasaksi sa insidente.
Sinasabi sa ulat na abalang nag-aayos ng daloy ng trapiko ang biktima sa naturang lugar nang biglang sumulpot ang isang rumaragasang Toyota Revo na may plakang UWW-320 at minamaneho ni Jeffrey Gonzales ng San Jose Del Monte, Bulacan at nahagip ang una na tumilapon naman sa kabilang kalye. (Rose Tamayo-Tesoro)