Dead on arrival sa Ospital ng Makati ang biktimang si Koichi Sugiyama ng no. 4456 Montojo St. Brgy. Singkamas, Makati City matapos na magtamo ng mga saksak sa iba’t ibang bahagi ng katawan.
Mabilis namang tumakas ang hindi pa nakikilalang suspect.
Lumilitaw sa imbestigasyon ng pulisya na naganap ang insidente dakong alas 3:05 ng madaling araw sa panulukan ng Montojo at Pasong Tirad, Brgy. Tejeros ng nasabing lungsod.
Naglalakad ang biktima nang biglang sumulot sa harapan nito ang suspect at walang sabi-sabing inundayan ng saksak ang una.
Sa teorya ng pulisya, posibleng hinoldap ng suspect ang biktima na nanlaban hanggang sa pagsasaksakin ito ng una. (Lordeth Bonilla)