Wala madugay, mibukas ang pultahan sa boarding house ni Alfie ug nabantang ni Rodel ang panagway sa dalaga nga nagsul-ob lang og short pants.
“Dali sulod Rod, ngano gud tawon nga mura ka man og giukbok nga kandela diha,†matud ni Alfie. Nakapanglingo-lingo si Rodel nga misulod sa boarding house sa dalaga.
Iyang gikomedyahan si Alfie nga mura’g misaka tingali ang iyang blood pressure pagkakita sa dalaga nga nagsul-ob lang og short pants ug nabantang kaayo ang porma niini nga mga paa. Mikatawa si Alfie. “Init man gud kaayo mao nga nag-short pants na lang ko kay total dili na man ko mauwaw nimo, amigo na gud ta,†matud ni Alfie.
Gitemplahan ni Alfie og juice si Rodel. “Pagkabuotan g’yud nimo Alfie uy. Ikaw man g’yud ang babaye nga giingon ni Mama nga maoy angay nako nga pangasaw-on,†ni Rodel pa nga nagngisi.
Wala g’yud tuod palabya ni Rodel ang higayon. Gisukna niya si Alfie kun may paglaum ba kaha siya sa iyang gihalad nga gugma. Wala makatingog si Alfie. Miduko ang dalaga nga daw naglisod kun unsay iyang itubag. Nakasabot si Rodel nga may gusto usab kaniya si Alfie kay kun wala pa, dili unta siya paadtoon sa iyang boarding house nga sila ra’ng duha. Pwerte nga nakapangamoral ni Rodel ug wala gayud mosipyat…. gisugot siya sa dalaga.
“Salamat kaayo Alfie nga wala ko nimo pakyasa,†matud ni Rodel nga nagbuto-buto ang dughan sa kalipay.
Mipahiyom si Alfie nga nagsud-ong ni Rodel. “Pwede ba ko nga maka-kiss nimo?†ni Rodel pa ngadto sa dalaga. “Sure, bi tan-awon nato kadtong imong giingon nga kun imo ko nga girlfriend dili ka pul-an og gakus,†matud ni Alfie nga daw nagdala’g hagit ni Rodel.
Misamot pagkusog ang pinitik sa kasing-kasing ni Rodel ilabi na dihang mibalikis na ang iyang mga bukton sa hawak ni Alfie.
Sa kataposan nagakus na gayud niya ang lumoy kaayo nga lawas sa dalaga nga sa una pa lang niya nga pagkakita nakapadani pag-ayo kaniya. Wala maglangan si Rodel, gipatikan niya’g hawok ang ngabil ni Alfie. Mibawos usab paggakus si Alfie kang Rodel ug sa daklit lang daw nagsugnib kini og talagsaong kainit sa ilang tagsa-tagsa ka pagbati.
Nag-ukobay dayon ang masi’g nila ka mga ngabil nga puno sa pagmahal. Kalma kaayo nga gihapyud-hapyod ni Rodel ang hawakan nga bahin ni Alfie nga nakapasamot sa kainit sa iyang pagbati. Nasabtan ni Rodel nga bigay kaayo si Alfie nga nakigparayganay kaniya ug gipasagdan ra gani siya sa dalaga nga mipabatyag og kahinam pinaagi sa paghapuhap sa iyang kalawasan.
“Rodel, I love you,†tuaw ni Alfie samtang nagkahugot ang iyang gakus. - Kataposan