Rosario nasa Gin Kings na
MANILA, Philippines — Pormal nang masisilayan si Troy Rosario suot ang Barangay Ginebra jersey sa pagsisimula ng PBA Commissioner’s Cup.
Matapos ang ilang linggong pananahimik, sa Gin Kings din ang bagsak ni Rosario na naging free agency nang lisanin nito ang Blackwater.
Ilang teams ang lumigaw sa dating National University standout ngunit napili nito ang Gin Kings.
Naniniwala si Rosario na mas lalalim pa ang karanasan nito lalo pa’t hawak ang Gin Kings ng beterano at multi-awarded mentor na si coach Tim Cone.
“Dreams Do Come True. Thank you Boss Alfrancis Chua. #Ginkings #BarangayGinebra #1,” ayon sa post ni Rosario.
Napaulat na tinanggihan ni Rosario ang multi-year extension deal sa Blackwater.
Hindi rin nito kinagat ang offer ng Talk ’N Text Tropang Giga.
Bahagi si Rosario ng Bossing na muntik nang makaabot sa playoffs sa Governors’ Cup kasama si import George King.
Matikas ang rekord ni Rosario sa Bossing.
Hawak nito ang averages na 13.5 points, 6.0 rebounds at 1.4 assists sa katatapos na Governors’ Cup.
- Latest
