Karong hapon sa coliseum mga bitoon sa CESAFI mag-engkwentro na

CEBU, Philippines — Kulbahinam nga aksiyon sa korte ang masaksihan sa mga fans gumikan kay ang labing maayo nga mga basketball players sa Cebu Schools Athletic Foundation, Inc. magkumbati na sa giatngan nga 2024 CESAFI All-Star games karong adlawa (Dominggo, Nobiembre 24) diha sa Cebu Coliseum.

Magsugod ang pasundayag sa ala-1 sa hapon diin mag-abot ang piniling mga magduduwa sa high school division.

Mobanat alang sa East team sila si Jan Vince Oringo, J Lord Pepito ug Kyle Barrieta sa University of San Jose-Recoletos (USJ-R) Baby Jaguars, Jake Yong, Carlo Salgarino ug Stephen Pagalan sa University of Cebu (UC ) Baby Webmasters ug Lybron James Lamo, Kenneth Robert Fuller ug Reyvene Arobo sa Cebu Eastern College (CEC) Dragons.

Anaa sab sa East lineup ubos sa paggiya ni USJ-R coach Julius Cadavis sila si Fritz Gonzalez, Champ Brigoli ug Ralph Seares sa University of Southern Philippines Foundation (USPF) Baby Panthers, Xian Garcia ug Zack Judilla sa University of San Carlos (USC) Baby Warriors ug Kyle Nalisa sa Benedicto College (BC) Baby Cheetahs.

Ilang banggaon ang West nga gilangkoban nilang Alden Cainglet, Froilan Maglasang ug Lars Fjellvang sa Sacred Heart School-Ateneo de Cebu (SHS-AdC) Magis Eagles, John Nathan de la Torre, Kenneth Cole ug Roderick Cambarijan sa University of the Visayas (UV) Baby Lancers ug Kieff Russel Suarez, Randel Jay Mendaros ug Ryko Batuigas sa Cebu Institute of Technology (CIT-U) Baby Wildcats.

Sila si Wade Adam Luche, Prince Juver Neil Mallorca ug Dan Mitchell Ferraren sa University of Cebu Lapu-Lapu and Mandaue (UCLM), Brent Cuyno ug Karl Agravante sa Cebu Roosevelt Memorial Colleges (CRMC) Baby Mustangs ug Angelo de la Cerna sa Don Bosco Technical College (DBTC)-Cebu Greywolves ang nagkumpleto sa West ni coach Axel Rabaya sa CIT-U Baby Wildcats.

Sa sangka tali sa mga bitoon mga college sa alas-5 sa hapon, sila si Kent Ivo Salarda, Jimpaul Amistoso, Ivan Clark Alsola, Raul Gentallan ug Froilan Maglasang sa UV Green Lancers maoy mangu sa East ni coach Paul Alelu Flores sa CRMC Mustangs.

Gawas sa iyang mga batos nga sila si Paulo Dalumpines, Keaton Taburnal ug Earl Laniton, si Flores magsandig sab nilang Elmer Echavez, Felvic Dorado ug AJ Calizar sa USJ-R Jaguars ug Matt Flores, JZ Dizon, Kent Joshua Cabanlit ug AJ de los Reyes sa University of the Philippines (UP) Cebu Fighting Maroons.

Samtang ang West ni coach BJ Murillo pagabidahan nilang Zareygel Rosano, Jasper Pacaña, Michael Diaz ug Jhiey Paraldo sa UC Webmasters, AJ Tolipas, Serge Gabines ug Kenneth Babalcon sa BC Cheetahs, Neon Chavez, John Miguel Maglasang ug Peter John Peteros sa USPF Panthers, Jerian Marc Abello, Edgar Sajol ug Matthew Paras sa CIT-U Wildcats ug James Gica ug Bryle Puntual sa USC Warriors.

Sa tungang bahin sa mga duwa, kumbatihan ang tradisyonal nga 3-point shootout nga pagasundan sa pagpasidungog sa mga season MVP sa liga ingon man mga miyembro sa Mythical 5.