GMA ug Warner Bros. miumol og distribution deal alang sa “P77”

Ang Warner Bros. Pictures maoy distributor sa bag-ong horror film sa GMA Pictures nga “P77” ug gihimo kagahapon ang contract signing niini.

Ang P77 kay magsilbing ikapito nga lokal nga pelikula nga gi-distribute sa Warner Bros. Pictures.

Nitambong sa contract signing sila si GMA Network Senior Vice President for Programming, Talent Management, Worldwide, and Support Group, and President and CEO of GMA Films Atty. Annette Gozon-Valdes ug GMA Pictures Executive Vice President and GMA Public Affairs Senior Vice President Nessa Valdellon.

Samtang sa habig sa Warner Bros. Pictures, nipirma sa kontrata ang Distribution Director niini nga si Rico V. Gonzales.

Nitambong pud sa contract signing ang bitoon sa P77 nga si Barbie Forteza, ang direktor nga si Derick Cabrido, ug ang writer nga si Enrico Santos.

“I'm very happy that Warner is our partner here in the distribution of this film, and I believe that together, we can ensure the success of this film more and bring this movie to a wider audience,” suma pa ni Atty. Gozon-Valdes.

Mihangop usab si Gonzales sa naumol nga kasabotan.

“I'm honored to be here partnering with GMA Pictures and GMA Public Affairs for the next release of the local movie release of Warner Bros. I'm also very honored to be here, thank you for welcoming our partnership. We've been talking about this since last year and now we're here. This is actually our 7th local movie to be distributed by Warner Bros. So I'm hoping, GMA 7 and P77, it's going to be the Lucky 7 for this film,” saysay pa ni Gonzales.

Mitambong usab sa kalihokan kagahapon sila si GMA Public Affairs’ Senior Assistant Vice President Angelie Atienza; Viewer-Directed Marketing Senior Assistant Vice President Rossette Roa; ug Assistant Vice President for Corporate Communications Jojo Aquio.

Ang P77 (Penthouse 77) kay usa ka psychological horror film nga gibase sa istorya nila ni Anj Atienza ug Kristian Julao. Kauban ni Forteza sa pelikula ang Firefly child star nga si Euwenn Mikaell, uban sa mga beteranang aktres nga sila Gina Pareño ug Rosanna Roces.

Ipasalida ang P77 sa mga sinehan sugod karong Hulyo 30.