Representante sa Pilipinas napili isip Miss Eco International 2025

CEBU, Philippines — Ang pambato sa Pilipinas nga si Alexie Brooks maoy nakalangkat sa korona nga Miss Eco International 2025.

Gipahigayon ang maong indigay didto sa Hilton Green Plaza sa Alexandria, Egypt.

Kahinumdoman nga nikisaw na ang iyang pangalan sa pre-pageant activities ug siya ang napili nga first runner-up sa talent portion, Top 10 sa resort wear competition, ug Top 10 sa Eco Wear.

Siya usab ang nakakuha sa award nga Best National Costume alang sa iyang eagle-inspired attire nga gidesinyo ni Tata Pinuela.

Nakatigi niya sa final round ang mga kandidata nga nagikan sa Ukraine, Indonesia, United Kingdom ug United States.

Si Alexie ang ikatulong representante sa Pilipinas nga nakaangkon og Miss Eco International crown, nga nalangkat usab nila ni Cynthia Thomalla (2018) ug Kathleen Paton (2022).