Rochelle napili isip Best Supporting Actress

CEBU, Philippines — Nagmaya og maayo si Rochelle Pangilinan human nakadawat sa labing una niya nga  Best Supporting Actress award.

Nalakip ang aktres sa listahan sa mga mananaog sa 10th Platinum Stallion National Media Awards sa  Trinity University of Asia gumikan sa maayo niya nga pagdala sa karakter   ni  Amalia Dimalanta-Torres  o  Tiya Amalia sa Kapuso series nga Pulang Araw.

“My first Best Supporting Actress award—what a surreal moment!.Ang award na ‘to ay hindi lang para sa akin, sa lahat ito ng nagtiwala at kumapit kay Tiya Amalia.Thank you for embracing her story, her struggles, and her heart,” Instagram post ni Rochelle.

Bag-ong single sa BINI ipalanog karong gabii

 Ilusad na karong  alas 9 sa gabii ,Pebrero 13 ,  ang  makadani nga tingog sa BINI pinaagi sa ilang  bag-ong single nga "Blink Twice"  nga madungog sa nagkalain-laing streaming platforms.

Ang grupo nga gilangkoban nila ni Aiah, Colet, Maloi, Gwen, Stacey, Mikha, Jhoanna, ug Sheena kay nagpagawas na usab sa cover art sa maong kanta ug nagpakita usab sila sa  mabulukon nila nga visuals sa  social media.  Suma pa ni BINI Mikha nga ang maong kanta kay maghisgot nga  dili angayan nga magpakipot kun maghisgot na og gugma .

“I feel like the song is about huwag na tayong magpaligoy-ligoy pa. Let’s go straight to the point,” aniya.

Dugang pa ni Mikhail nga  pang- international release ang maong awit.

“It’s like ‘Cherry on Top,’ we also worked with international producers and songwriters for this one. Of course, we want to give the best for you guys and we want to reach the international stage," dugang pa niya .

Kahinumdoman nga nagmalampuson ang ilang  “BINIverse” tour niadtong 2024, nga nakabaligya og kapin sa 50,000 ka mga ticket sa tibuok nasod ug gitapos sa tulo ka adlaw nga sold-out  show sa Araneta Coliseum.

Gisundan sa "Blink Twice" ang katapusang full English nga kanta sa girl group sa nasud nga "Cherry On Top," nga nakakuha og kapin  aa 100 million views  .

Sa gipaabot nga “BINIverse World Tour: Philippines” concert sa Philippine Arena karong Pebrero 15 (Sabado), makita ang ilang unang live performance sa "Blink Twice." 

Yayo nagsidlak-sidlak ang lovelife

Upat ka tuig na diay ang  relasyon ni Yayo Aguila sa usa ka non-showbiz nga inbidwal.

Matud pa niya nga   ang pamilya sa maong lalaki kay dunay koneksyon sa showbiz .

Suma pa ni Yayo nga malipayon  kaayo ang iyang kasingkasing  gumikan sa kalig-on sa ilang relasyon.

Dili matud pa babag sa ilang relasyon ang age gap .

Nasayran nga manghod niya og upat ka tuig ang iyang boyfriend.

Iya nanganak na

Gihimugso na ni  Iya Villania  niadtong Martes  ang  ikalima nga anak nila ni Drew Arellano. Ang maong bata kay ginganlan sa magtiayon og Anya Love Villania-Arellano. Mapasigarbohon  nila nga gipaambit sa ilang mga Instagram account ang hulagway sa ilang anak.

Nakahuman na sa military service

Hingpit na nga nahuman sa miyembro sa EXO nga si Kai ang iyang mandatory military service. Nasayran nga nag-alagad ang singer isip social service agent. Nisulod siya sa miliatry niadtong 2023 ug nipaubos kini og basic military training sa wala pa kini gidestino sa social service.

Nagpanikad ang rayna

 Human sa iyang kadaogan isip Reina Hispanoamericana 2025, nagpanikad na usab  si Dia Mate  sa iyang mga plano kun diin usa na niini ang pag-promote og maayo sa  Filipino culture.Dungan sa pagpatuman sa  iyang  mga obligasyon  isip beauty queen,  magpadayon gihapon ang iyang  career isip  singer-songwriter  ug mapalapdan kini og maayo hangtod na sa Latin America.